" عاوزك في موضوع "
جذبني من يدي أثناء طريق عودتي المعتاد، قولتله " طيب " تعالي نروح
الأطباء، كان محدداً كعادته ودقيقاً في تعبيراته، ( بناء ) هي مبادرة طلاب جامعات
مصر للنهوض بالجامعات مهنياً وعلمياً وخلقياً و.... إلخ، إنتهي من الموضوع لأطرح
عليه التساؤل الذي لم يطرح عليه من قبل – علي حد قوله -:" إي علاقة الجماعة
بالموضوع دا؟ وتمويل الجمعية جاي منين؟"
تعجب قليلاً لأن
ذلك هو ما يهمني، ولكني بررت له ذلك بأن التمويل يعني التدخل، وكشخص لا أحب أن
يتدخل أحد أو يملي عليّ ما أفعل، أجاب أنه لا يوجد تمويل، وأجبت " خلاص معاك
إن شاء الله" ونسيت حتي أن أسأله لماذا أختارني أنا ؟
تأخرت عن إجتماعنا
التالي – كعادتي الحمد لله – بس المرة دي عشان كان عندي سكشن ميكرو – إلاهي يولع
المعمل باللي فيه – وجئت متأخراً لأجده يشرح لي ما فاتني: تكوين الهيكل : .....،
إسمي مكتوب وتحته نائب الرئيس !! لم أسأله أيضاً لماذا إختارني أنا ؟ وأعتقد أنه
الوقت المناسب لكي أسأله :D
أتذكر يوم مبيتي
في شقته كي نعد قواعد العمل في بناء :D رغم إن نص الليلة كان هزار ونسينا نص القواعد
أساساً، ويوم أن طويناً بأيدينا 1000 ورقة وهو كل شوية يقولي " يا عم سيب
شوية للأعضاء" وأنا اقوله " أهو خلاص قربنا نخلص :D"، أتذكر كل يوم
دخلت فيه الشقة وسعد نايم وأروح كل مرة أشد البطانية من عليه وهو يقولي نفس
الكلمة" يا عم قولتلك مبحبش حد يشد الغطا وأنا نايم" وأنا برضو بروح
وأشد الغطا
:D والإجتماعات
الأولي اللي مكانش حد بيحضرها وكل شوية اضرب فتحي بإيدي وأقوله " شكلي هقعد
أنا وانت فالجمعية دي :D "
مهما حدث فلا تعني
لي الجمعية بقدر ما يعني لي أصدقاء عرفتهم حقاً من خلالها، هم المكسب الحقيقي من
الجمعية،
أبو فتحي: لديك
طاقة نفسية وتفاؤل يكفي لبلد بأكمله، حتي لما بتكون متدايق، يمكن كتب التنمية
البشرية الكتييييييير طبعت عليك شيء من المثالية الغير موجودة، ولكن والله العظيم إنت
فيك حاجة لله كدا بتخلي الجمعية فيها بركة :D تصدق لو قعدنا فالجمعية دي 100 سنة عمري ما هفكر
اترشح ريس مكانك ابداً :D لأني ولو فرضاً إني
كنت ناجح فمكاني بس أكيد مش هنفع فمكانك ، ومش هترشح حتي نائب
من غيرك
:D
أبو سعد: قرفتني
بالنوم بتاعك دا نفسي ادخل الشقة ساعة عصر وألاقيك صاحي :D
علوة: الحاجة
الوحيدة اللي مش عارف اتعلمها منك :D الفرش بتاعة الفوتوشوب
دي :D مبحبهااااااااااااااااااااااااااااااش :@
شهاب عماد: شكراً لأنك
أول واحد قولتلي الكلام دا، يعني زي
ماقلتلك حاول تبقي دقيق في شغلك ماتسيبش ولا نقطه زياده كل ماتبقي دقيق كل مايكون
شغلك احسن. ماتكسلش انك تتعب تاني وتالت في سبيل ان شغلك يطلع كويس واكيد خليك
منظم. وخلي بالك كل غلطه صغيره انت ممكن تعديها بمزاجك حتتحسب عليك وغلطه علي غلطه
حينقص من قيمه عملك
.
خلي هدفك دايما انك تعمل حاجه تفيد بيها
الناس وعشان خاطرهم وحط في دماغك انهم رؤسائك في العمل اللي بتعملهم الف حساب وهما
سندك وضهرك وحمايتك اللي لازم تكسبهم صح. وماتفكرش في الشهره كتير وكن واثق انها
حتجيلك زحف لحد رجليك بس المهم اتقن عملك. والمهم لما تجيلك الشهرة تكون قد
مسؤوليتها ومشاكلها وتقدر تحرم نفسك من حاجات وتحافظ علي نفسك عشان صورتك قدام
الناس حتي لو الحاجه اللي حرمت منها نفسك مش غلط بس ممكن تبقي غلط بسبب الشهره"
مقولتليش بس ان مش كل الناس هتحبك ساعتها :D
بناء يعني دول،
يعني كل واحد عنده هدف فحياته، يعني تشتغل وتشتغل وتكتب فالآخر ( بناء )، مش مهم
لي، ومش مهم بعمل كدا لي، المهم إن أول ما لقيت واحد من سنة أولي ماسك الكتاب ومش
عارف مين بالظبط اللي عمل الكلام دا، ضحكت من الفرحة، تفتكروا إني كنت هكون فرحان
لنفس الدرجة لو الكتاب مكتوب عليه إسمي ؟؟؟ مظنش :)
