هكتب انهاردا الكلام دا ، ومش هعمل شير ولا أي حاجة ولا هقول لحد إني كتبته كمان، مش سر ولا حاجة بس تفرق إي حد قراه أو محدش قراه ؟! هو أنا يعني بكتب عشان الناس تقرا ؟ يااااااااه دا يبقي كلامي رخيص قوي بقي !
بس هو إيه اللي عاوز أكتبه ! وهفكر ليه أصلا عاوز أكتب إيه ؟ اللحظة اللي أنا فيها دي أنا زعلان .. اه والله زعلان ومدايق ومخنوق كمان ! اصلي متخانق مع واحد عزيز عليا ومعرفش حاجة عن واحد تاني وهكذا حاجات كتير يعني ! فكرت كتير يمكن أنا إنسان وحش للدرجة دي ولا حاجة ! أو يمكن أقدر الحق حاجة ماللي بايظة عندي دي ؟؟ بس ملقتش فايدة مش عارف لي ! محدش جاوبني اجابة ليها لازمة
في حاجات كتير بنعملها من غير ما ناخد بالنا، ممكن تكون جزء من شخصيتنا أو انسانيتنا او حتي نوعنا نفسه، يعني لي الواحد يهزر ويتهزق مع اصحابه عادي ؟ بس ميقبلش دا قدام بنت ! ايا كانت حتي لو بيكرهها يعني بس ميقبلش برضو ؟! هو كدا بقي محترم يعني !
والعكس طبعا ، ماهي الحكاية علي الإتنين واحد
يااااه لو فضلت أسأل من انهاردا لحد ما اموت مش هخلص أسئلة، بس الأشد هو لي بنناقض نفسنا فأوقات كتير ! حتي انا ياما ناقضت نفسي وكتير قوي !! بتكلم مع واحدة مثلا ومقدرش اسيب اختي تكلم حد ؟ طاب لي برضاها لأخ تاني طيب ؟! نفسي ألاقي إجابة للأسئلة دي وعمري ما لقيت ، ممكن تكون الإجابة المنطقة " ما تكلمش حد تاني يا أخي " بس تفتكر إن دا مجاش فدماغي يعني قبل ما اكتب الكلام دا !! ( إي دا هو انا بكلم مين أصلا ) ما علينا، مش كل حاجة تقدر تتصرف فيها بالسهولة دي
سنتين من أول ما خرجت من العزلة اللي كنت فيها، اتنقلت كتير قوي فالوقت القصير دا !! قابلت النوع التاني اللي مكنتش اعرف عنه حاجة ( وياريتني ما عرفت بيني وبينك ! بس ابقي قولي انت مين اصلا ) وصاحبت ناس كتير، وشفت تناقضات أكتر
حتي فاللحظة اللي قررت أكتب فيها بحرية عشان محدش هيشوف الكلام دا برجع ! يمكن عشان ممكن حد يشوفه بسهولة ! اه ممكن بس اي الهبل اللي انا بكتبه دا اصلا ؟ّ هروح أنام دلوقتي ولما اصحي هبقي اشوف
