بسم الله الرحمن الرحيم
كل يوم
كل يوم أنا فيكي أحكي
والحكاية فكلمتين
قلبي بيكي مريض بيحلم
وأنتي حلمه من سنين
لما شفتك قلبي عشقك
كنت قبلك قلبي فين
يا حبيبتي عينك أنتي
جوا قلبي ألف عين
كل يوم جنبك بكون
صوتي جوا الروح حزين
نفسه يحكي بس خايف
يوم ما يحكي يكون سجين
كل يوم في بينا خطوة
بس بينا خوف سنين
خوفي منك، خوف عليكي
خوف بيطوي الخطوتين
وأفضل أندم إني ساكت
وأفضل أعشق صوت حنين
يا حبيبتي مهما نبعد
نبني بينا ألف سور
دمك أنتي هو دمي
وأنتي فوق الخوف جسور
لو كتبت أنا فيكي شِعري
هفضل أكتب فيه شهور
وأبني من حبك جناين
ألف وردة بين قصور
يا حبيبتي بينا دنيا
ألف شخص يقول محال
بس قلبي بيكي عايش
مهما كان الخوف جبال
كل ليلة فعمري فاتت
كل عمري كان خيال
أنتي بس حقيقتي، حلمي
بس خايف مالسؤال
يا حبيبتي مدي إيدك
قبل ما يفوت الأوانش
قلبي قبلك كان وحيد
حس جنبك بالأمان
يالا نحلم جايز إحنا
بكرا نضحك عالزمان
وأفضل أحكي عنك أنتي
والحكاية فكلمتين
أيوا بس بحبك أنتي
قلبي عاشق من سنين
عماد محمد قاسم محمد
الفرقة الثانية بطب سوهاج
